الأحد، فبراير ٢٤، ٢٠٠٨

جدران اربعة
تفصلني عن العالم
بل هي تفصل عالمي عن الفضاء السرمدي المحيط بنا
انا و انت
تمضي الساعات و الساعات و نحن معا
تتطلع لان تكون بالخارج
تبهرك الاضواء اللامعة
و اتطلع انا لاريح عيني
من كل هذا البريق
لنجوم قد ماتت
و لم يبقي لها الا بريق زائف
سوف يخبو مع مرور الايام

الاثنين، فبراير ١٨، ٢٠٠٨

مبروك عايزة اتجوز

الولد عمال يزن يزن بسلامته عايز يتشال طول النهار
و لو حطيته علي السرير يبتدي الموشح.. كبر الولد و بقي بيفهم
المهم دخل خاله لاعبه شوية
و طلع يتفرج علي التليفزيون
و سابه
زهق اصله من اللعبة -ابني يعني
المهم الباشمهندس خاله فجاة افتكر
و قاللي
فاكرة البنت بتاعة مدونة عايزة اتجوز
واء واء واااااء
بس يا عبدالله خلينا نسمع
ايوه فاكراها
صاحبي بيقول ان دار الشروق طبعت المدونة في كتاب و وزعته في معرض الكتاب و تلات طبعات خلصوا
واء واء واااااء
يا حلاوة يا نونو شفت طنط بقت مشهورة
و كمان طلعت في قناة دريم
بجد
و كمان عمرو اديب
واء واء واااااء
خلاص يا نونو بقي
الله دي حاجة حلوة خالص
و هي شكلها ايه بقي -التفاصيل الغبية بتاعة الستات
*****
في النص ساعة اللي بينامها النونو-النوم البراغيتي علي رأي أمي- قلت اعمل سيرش شوية و اذاكر
افتكرت الموضوع
سيبت السريش و دخلت المدونة ابص
لقيت الموضوع بصحيح
دخلت علي لينك التيوب
Tube
و شفت شكلها
بنت لذيذة فيها شبه من سمر صاحبتي
افتكرت اني لما كنت بقرا كلامها كانت بتفكرني برضه بسمر
اصلها كان نفسها تتجوز
واء واء واااااء
يااااه النونو صحي
قومي يا بنتي لابنك - دي ماما
حاضر
اكتب الكلمتين بس
واء واء واااااء
حاضر جايه
واء واء واااااء
مبروك يا سيتي و خلاص
و نبقي نكمل مرة تانية السنة الجاية و عليكي خير
**********

Free Web Counter
Free Web Counter

Designed by Little Sesame