ليلة الرؤيا

صوت الشيخ عمر في التليفزيون يتنقد السيدات الاتي يضعن ليست للاكلات و جدول لمواعيد المسلسلات في رمضان

********

سؤالي لامي: الا صحيح يا ماما ليه مش بتحطي ليستة للاكل

اختي الصغري: ليسته ايه مش فاكرة السنة اللي فاتت أكلتنا ايه اول رمضان

السنة اللي فاتت اول يوم رمضان اكلنا ملوخية و قعدنا ساعتها نتريق: ايه يا امي ماكنتي تعملي كشري احسن و هي تضحك و تقول: يا ولاد فيه ناس مش لاقية تاكل

********

اختي الاخري: المسلسلات السنة دي نار دول عاييزين جدول للفرجة

اخويا: اوك اتفرجي عليهم بس قبل كل مسلسل اقرأي حزبين و صلي ركعتين مش هياخدوا منك ربع ساعة

هي : لا انا كده مش هاتفرج علي حاجة خالص

********

التليفون بيرن: كل سنة و انتو طيبين