الأربعاء، سبتمبر 06، 2006

Back to school = Back to Blogging

خلاويص الصيف انتهي.. محستش بيه مش بس عشان الايام بتعدي بسرعة.. لكن اللي حصل ان الماستر كان واخد مساحة ضخمة من التفكير وبالتالي واخد كل الوقت برغم ان مافيش حاجات كتير بعملها.. لكن احساسي ان فيه حاجة واريا مخليني حاسة بالضغط،
الصيف اللي المفروض يعدي من غير ضغط عادي بصحي و اقوم و اقوم و انام و اسافر و اروح و اجي من غير ماافكر ان فيه حاجة ورايا كان بيديني طاقة.. طاقة الفراغ.. قاعد مش بتعمل اي حاجة.. من زمان مش حسيت الاحساس ده.. انك تقوم و مش حاسس ان اي حاجة وراك.. الدنيا تخرب تولع مش مهم بقالي تلات سنين هي عمر الماستر من ساعتها دوامة ادخل امتحانات.. اخرج لعملي.. ادخل عملي.. اخرج لكتابة رسالة.. اخرج منها استني القوانين و الدكاترة لما يصيفوا و انا قاعدة زي البطيخة مش مهم
بس برغم ضغط التلات سنين اللي فاتوا حاسة ان كل موقف اتحطيت فيه اتعلمت كل كارثة افتكرت ساعتها انها كارثة بضحكني دلوقتي اكتر ما كانت بتبكيني لما فار- فيران بيضة طبعا- يموت كنت احس انها مصيبة و اعيط عليه و معرفش انام و ابقي عايزة ابات جنبهم في المعمل لحسن فار تاني يعملها و يودع لما روحت مرة لقتيهم مغرقين نفسهم و بردانين و شعرهم مش نضيف قمت كل شوية احمي واحد و انشفه ساعتها ماكنتش حاسة ان الموضوع مضحك اوي كنت خايفة علي الشغل لدرجة الهوس
أكبر غلط انك تفكر انك هترتاح بعد متخلص اي حاجة المفروض تعملها.. لان مافيش حاجة بتخلص بعدها لازم تبدأ حاجة تانية و تعيش عمرك و انت معشتوش لانك ببساطة كنت عايزه يخلص

حاجة كمان لازم اغيرها في نفسي: التسويف و التأجيل كنت عايزة اتعلم فقه و سنة و عايزة اتعلم رسم بألوان الزيت و استنيت لما اخلص الماستر و دلوقتي مش واثقة اذا كنت هاقدر اعمل اي حاجة لاني ايام ما كنت مشغولة كنت افضي من دلوقتي

1 Comments:

At 10:50 م, Blogger بنـت ســعد said...

عقبالي يا رب

امنتيى انى اقدر احصل على الدكتوراه فى الفارماكولوجي

و يا ريت يبقى الماجستير فى 3 سنين بس

:)

بس مشكلة تانية انى عايزة ابقى غنية من غير ما اتجوز واحد غني

:)

مش عارفة احل المعادلة لحد دقولتي


تحياتي يا عزيزتى

 

إرسال تعليق

<< Home

Free Web Counter
Free Web Counter

Designed by Little Sesame