الأربعاء، أغسطس 23، 2006

ايه اللي بعده

لا ا عرف لما ينشر مثل هذا الخبر بعد كل كارثة .. لا بجد بجد حكومة بتعرف تجامل
كل مرة تشيل صينية علي راسها و تيجي تعزي يمكن عشان نار الناس تبرد و الناس من حزنهم بينزلوا ياكلوا
امتي هتبطلي تشيلي صواني او تدفعي دية
امتي غفير الدرة مش هيشيل التهمة
امتي اللي غلط يتحاسب
و يا ريت ساعتها توفري فلوسك يا حكومة
والصندوق الأسود ... تاااااااااااااااااني
كل ما تيجي سيرته قلبي يدق و اعرف اللي فيها ... لجان تدرس و لجان تقص و لجان تحكم و في الاخر يطلع تقريبا عبارة عن كرتونة فاضية حد اداها وش سلاقون
حتي كمان مش اسود

4 Comments:

At 11:29 ص, Blogger bluestone said...

خمس تلاف جنيه .. طب خير ..
انا مش عارفة ليه الناس زعلانة قوي كده
هو يعني اللي عايشين تمنهم اكتر من كده
ولا يعني اللي بيموت من الفقر والقهر والظلم بيبقى ليه تمن خالص ..

خليينا منطقيين
احنا رضينا نبقى ببلاش واحنا عايشين فبلاش نطنطط قوي واحنا ميتين

الحقيقة انا لا الوم الحكومة على الحادث .. على الاقل مش بشكل مباشر لانها مش هي اللي ارغمت السائق على تجاهل اشارات السرعة .. لكنها مسؤولة عن تردي الاحوال للدرجة وتدني مستوى كل المرافق ..

بس تعرفي احنا مسؤولين مسؤولية مباشرة برضه .. اللي حقه مسروق ومش بيطالب بيه مايستحقوش

 
At 12:53 م, Blogger hero said...

خمسة آلاف دول يعملوا ايه لأسر الناس ال ماتت
الحكومة بتتعامل مع المصريين كأنهم حتت خردة المرة دي بخمسة آلاف جنيه الله اعلم المرة الجاية بكام

 
At 1:20 ص, Blogger مـحـمـد مـفـيـد said...

احنا في بلدنا ملناش اي تمن يعني 5000 دول رضا اوي وياريت تدوم

 
At 4:25 م, Blogger قلم جاف said...

اللهم إن قضت مشيئتك علينا ركوب القطارات أو العبارات فاجعلنا من ركاب العبارات ولا تجعلنا من ركاب القطارات، واقسم لنا تعويضات العبارات واجعلنا من ضحايا هيئة السلامة البحرية ولا تذلنا لتعويضات القطارات ولا تجعلنا من ضحايا هيئة السكك الحديدية ..
وآخر دعوانا أن حسبنا الله ونعم الوكيل..

طارق جابر عن المدونة الزميلة "الوعي المصري"

 

إرسال تعليق

<< Home

Free Web Counter
Free Web Counter

Designed by Little Sesame