ماذا بعد
هل هذا يكفي
هل نحن كثر
الاجابة المفزعة
لا
الناس معندهاش استعداد تسمع ...تقولك خلينا في اللي احنا فيه
طب ايه الفرق بينا و بينهم
يعني ايه اللي بيخلي ناس زينا تعارض حكم شايفينه ظالم
هل الناس التانية مش شايفه
للاسف الناس مش حاسة
الناس طيبة و بتصدق و بتسمع الكلام و اللي مش طيب شايف ان اصلا البلد دي زبالة و تستاهل كل اللي بيجرالها
********************
كنت في مرة راجعة من الشغل و كان فيه حادثة علي الطريق الدائري حول احدي مدن الدلتا كان الدم كان لسة دافي و الناس اللي ماتت لسه متشالة
السبب في الحادثة لفة العربية عشان تعدي من اتجاه للاتجاه الاخر مما ادي لاصطدام عربيتين أخريتين جايين من الاتجاه المعاكس
بعد الحوقلات و الاهات كل واحد بدأ يكلم و اكلمت انا كمان
المفروض ان ده مادام طريق سريع يبقي مافيش فتحات بين الاتجاهين و بدل من كده يعملوا داخلة يمين بكوبري يعدي للناحية التانية عشان العربيات متخبطش في بعضها
ساعها السواق رد عليا و قاللي
انت فاكرة نفسك في لندن
قلت
لا بس ده الف باء ...ازاي حاجة زي دي متعملش
احنا خسرانين معركتنا لما واحد زي ده يصدق بأن مش من حقه يتعمله طريق كويس لا لسبب وجيه و لكن عشان بس احنا مش في لندن
طب و هي لندن بقت لندن ليه
********************
كنت راجعة مرة تانية وركب معايا شابين في العشرين من العمر اكلموا في حاجات كتيرة منها -خلي بالك دي مفأجاة
يابني دي مصر دي ارخص بلد في الدنيا !!! ده الناس هنا عايشة عيشة كويسة ...عندك مثلا بلد زي سوريا الحاجات فيه غاليه نار بالالاف
هو ميعرفش الجنيه كام ليرة و لا ايه و اشمعني سوريا بالذات
مش عارفة هو جاب الكلام ده منين
اكيد عمره ماراح سوريا
و ميعرفش مثلا ان الحاجة في سوريا نص التمن في مصر
و مايعرفش ان الحكومة الديكتاتورية بتاعتهم بتدي للناس فلوس عشان يودوا ولادهم المدارس لكن عندنا -و ايش اوصلها للحكومة الديموقراطية بتاعتنا- اللي بالرغم من مجانية التعليم بقي الطالب بيدفع مصاريف كارنيه 120 جنيه
في سوريا المدن الجامعية هناك من غير فلوس- حتي انك ممكن تدخل في اي مدينة تبات لو بس طالب معاك بطاقة مصرية مش حتي سورية"حقيقة"- خد في الاعتبار ان طالب اي جامعة في مصر ممنوع يعتب باب اي جامعة تانية فما بالك انه يبات في المدينة الجامعية
في سوريا لما بيتخرجوا بتشغلهم في وظايف ب 17000 ليرة- ايه الفقر ده
عندنا بيتهبب يذاكر و بينجح و في الاخر مش بيلاقي شغل
شكلي كده كنت راكبه ميكروباس رايح لندن و ان الشباب دول اكيد مش من هنا
*********************
خال زميلتي عايش في امريكا جه مصرأجازة قالها
انتو هتدخلوا الجنه حدف انتو هتتحاسبوا علي ايه!!! هم انتو اصلا عايشين
********************
قالوا الزن علي الودان أمر من السحر
يعني لا ايشاربات و لا عملات و ان كنت معاها برضه
لازم الناس تحس انها تستاهل حاجة احسن من كده و انها مش عايشة في نعمة و لا حاجة
و الكلام بتاع احنا كنا فين و بقينا فين لازم يختفي
لاننا المفروض منبقاش هنا
ايها الشعب سبح بحمد ربك كما تريد
لكن ابدا لا تثني علي نظام سرق منك مستقبلك و انت غرقان في الحمد
posted by Little Sesame @ ٧:١٩ ص
4 comments
4 Comments:
All what is happening now is very normal
The Egyptian deserve more
Don,t plame Mubark and his goverment,plame the people who allow that..may be they need more to react to reach the end point
معاكي حق ، الناس - بقصد أو لا - تم تغييبهم نهائيا ، ما حدش داريان، الناس من كتر مشاكلها ، ما بقاش عندها وقت أو طاقة تفكر في حلول ليها ، الناس بتتفادى المشاكل و خلاص ... و دي مصيبة
iam alexawy صحب فكرة ثورة الاشرب
دعيني احدثك بصراحة هل نحن شعب جبان ؟
الاجابة اكثريتة كذلك
طاب من غير كلام كتير و تحليل لايديولوجية الشعب والكلام الي قراناة عن(شخصية مصر (اه الحل؟؟؟؟؟؟؟؟؟؟؟؟؟؟؟؟؟؟؟؟
يا ستي دا ف ناس مش دريانة بحاجةوتقلك ملها البلد مهي زي الفل دنا بقلككم قولو لا من بيوتكم يرد اقولها لمين وليه
علي راي نجيب سرور_________________________ ولا بلاش
من يريد أن يصلح ويغير ..
عليه أن يبدأ بهؤلاء الذين تحدثتي عنهم .
وليس بأولئك القابعين فووووووق ..
إرسال تعليق
<< Home