الاثنين، مايو ٢٩، ٢٠٠٦

مديتوا ايدكم بالسلام و برضه مش عاجبنا

مش عارفة ليه بتخنق من اي راجل يمد ايده بالسلام
بالرغم ان الموضوع بدأ معايا بالبعد عن الشبهات علي اساس القول اللي بيحرم تلامس الايدي ما بين الرجال و النساء الا اني بعد كده من قلة سلامتي علي الناس بدأت احس ان مجرد السلام حميمية في العلاقة لا يستحقها من هب و دب
لما ادخل مكان جديد بسلم علي الناس بايماءة من رأسي و ابتسامة و بضايق جدا من اللي يمد ايده لاني ساعتها ساضطر امد ايدي منعا للاحراج
و اللي بيضايقني اكتر انه يسلم عليكي زي مابيسلم علي واحد صاحبه و يبقي مش هاين عليه يسيب ايد الواحدة ببقي هاين عليه اقطعها و اسيبهاله يمكن تنفعه
*******
لو مديت ايديه و سلمت عليك يا ريت تعرف انك من الناس اللي بستريحلها في حياتي
بس نصحيه اذا قابلتني اوعي تبدأ بمد الايد

4 Comments:

At ٣:٥٢ ص, Anonymous غير معرف said...

No need to have your mind focused only on physical or sexual aspect. Not every man is obssesed by shaking hands with a female.

Some ladies may feel good pretending all men want to get close to them, but be assured...there are much more valuable things in life then that.

Your attitude gets you isolated, and cuts completly the commmunication chanels with the others surrounding you.

Some ladies are obessed that every man is a devil, it's a confort zone that let them feel not obliged to tell people who they are, what they know, what knwoledge they have....specialyy if they do not have much to say.

So dont hide, be yourself and communicate.

 
At ٧:٥٥ ص, Blogger Little Sesame said...

برضه مش هسلم

 
At ٩:٥٦ ص, Blogger Geddo Iskandar said...

ممممم
عارفة ... أنا كمان مش بسلم !
ده حصل من يجي 5 سنين كده بسبب موقفين متتالين ...
الأول: أنا كنت أياميها في الكلية فالصيف بعد سنة تانية و داخل تالتة - اتعرفت على مجموعة من الشباب اللي داخلين سنة أولى لسة (أو ممكن تقولي اترشحت ليهم من قبل دكتور عندنا) - كنت بساعدهم علشان امتحان القدرات و كده ...
الموقف اللي حصل هوة انه في يوم كنت لسة داخل من باب القسم لقيت بنت منهم بتجري ناحييتي و بتقولي "أخيرا جييت - دانا مستنياك مالصبح" - وقامت شدت أديا و حطيطتها تحت دراعها "بهزار" و بتشيدني تجاه المكتبه علشان تسألني في حاجات ... البنت كانت طفلة و مش قصدها حاجة ... بس أنا اتصدمت - مكنتش متعود على الدرجة دي من الحميمية في العلاقة بين الولاد و البنات
ساعتها أنا قعدت أدور في سلوكياتي - أنا أكيد بعمل حاجة غلط أدت لده - أو سايب باب معين مفتوح - باب المفرض أقفله!
فكرت و وصلت لموضوع السلام باليد ده - ممكن ده يكون بيكسر سور لازم يفضل موجود - نلغي أي نوع من التلامس المادي على قد ما نقدر ... ماهو لو البنت كانت عارفة اني "مابسلمش" عمرها ما كانت عملت كده و لا بهزار!!
قبل ما أوصل لقراري النهائي حصل الموقف التاني - تاني يوم ... كنت واقف مع مجموعة من أصدقائي الأعزاء قووييي - جائت بنت من زمايلنا و سلمت علينا بالأييد و مشيت على طول - أول ما مشيت صاحبنا قال ... أيديها ناعمة قوى!! - على الرغم من اننا نهرناه على اللي قاله - بس ...
أنا مكنتش لاحظت ده - بس أنا متأكد أنه أول مرة البنت دي حتسلم عليا بعد كده - أكيد حاخد بالي و لو مش عاوز !!
حسيت أنه الحل الوحيد أني "مسلمش" - فعلا الموضوع بقى لابد منه - ده زعل مني ناس كتير - من المحرج فعلا أنه بنت تمد أديها م متسلمش عليها - بس أتعودت أزاي أقلب الموضوع هزار

مرة بقى صديقة عزيزة من أيام حضانة لحد الكلية سألتني ... "أنت مش واثق فيا؟" "ولا مش واثق في نفسك" - قولتلها أنا واثق فيكي و واثق في نفسي - بس مش كل اللي بسلم عليهم ببقى واثق فيهم ... أو بقى واثق في نفسي أحيانا :) - تحبي أنقي بقى و اسلم على ناس ناس ... ولا أيه

 
At ١٢:٤٩ ص, Blogger عمرو عزت said...

محرج جدا الموضوع ده

دلوقتي في اي مكان فيه مجموعة من الناس
بعضهم اصدقاء و بعضهم لأ
المفروض باسلم سلام حميمي
بالايد

لو فيه بنات بابقي لازم اخمن مين اللي ممكن ما تحبش السلام بالايد

ولو عملت كده ممكن ده يزعلها لاني خمنت غلط و تفتكر اني باعتبرها مقفلة شوية

و العكس صحيح لاني باضطرها تعلن انها مش بتسلم و باحرج واحدة تانية مش متحررة قوي


مشكلة تانية
دلوقتي مثلا لو حد عارفك
هايبقي مرتبط عنده مستوي العلاقة بالسلام
فيه احراج كبير

طبعا كل واحد حر يستريح في نمط تعامل معين
بس انا شايف المشكلة دي يتعبر ان احنا مجتمع في حالة قلق قيمي كبير

الدين اتجاهات و انماط كتير
و عادات مختلفة لمجتمعات فرعية بتبعد اكثر عن بعض

متهيألي فيه وقت جه علي المجتمع المصري كان فيه مجموعة قيم سايدة
مزيج من تعاليم دين و تقاليد و خلافه
بس كان التحديد و التعامل اسهل و اسلس

انطباع مش متأكد منه قوي

 

إرسال تعليق

<< Home

Free Web Counter
Free Web Counter

Designed by Little Sesame