تغيير
حبة زهق خلوني اعمل شوية تغيير في البلوج اصلي بصراحة بزور مدونات تانية الاقيهم عاملين البدع "شكلا و مضمونا"
طب ان جينا للمضمون هي دماغ واحدة.. ابدع ازاي يعني.. خلاص خلينا نغير في الشكل
بس المشكلة ان معلوماتي في تصميم الصفحات زي معلوماتي في عمل المحشي-مبعرفش اعمل محشي.. بلاش تريقة.. مش قصة هي
خمسة ساعات امقق عينيه في الكمبيوتر بشوف كل جملة في ال
template
اتكتب ليه و لما بشيلها بتعمل ايه
عينيه و جعتني و ضهري و دماغي كمان...مش عارفة اركز هي الحكاية فيه تريكة لو اتفهمت خلاص الموضوع اتحل
ضاع مني لينكات البلوجات اللي كنت بقراها و انا بجرب..لسه هقعد اجمع فيهم تاني
***********
عينيه وجعاني من خمس ساعات... عرفت ساعتها معني انك تقولي انا عينيه وجعاني.. ارحميني
من هنا و رايح خلاص هارحم عليك
:(
***********
للي مش واخد باله دي صحاري مصر و نيلها اللي انت واقف عليها
لو خدت بالك قول..
************
و الله حاسه انه مش وحش... صحيح ايش اوصله للبلوجات اللي كل م ادخلها بتعقد
بس بعد ماخلصت اكتشفت اني ممكن اعمل محشي
posted by Little Sesame @ ٤:٥٩ م
5 comments
5 Comments:
طيب ممكن تعلميني ازاي اعمل محشي
لاني غلبت معاه بجد
تسعدني مراسلتك على الايميل
nedalme@yahoo.com
نضال
مدونة ما بتعرفش في المحشي
ألف مبروك إنك عرفتى تتدخلى على التمبلاتس أساساً :ي
بس شكل البلوج حلو :ي
تحياتى..
الاهم من ذلك ما بداخل المدونه ليس ان يكون الخارج سي
لا برافو عليكي البلوج شكلة حلو اوي
:)
بس والنبي بلاش تمليه .. انا لما بحب ادخل عند بنت مصرية باقفل كل الصفحات التانية علشان الكومبيوتر ما يغماش عليه
ومبعرفش اركز برضه
moslma
اكتشفت ان اي حاجة ممكن بس اكيد مش هحاول في المحشي
.
.
نضال
مش بعرف يا نضال اطبخ اكل يشبع بعرف بس اعمل كام اكلة بتوع مطاعم يا ريت لو تعرفي اي حاجة ابقي علميني
.
.
.امير
شكرا
.
.
مفيد
طب اللي مش شايف جواه حاجة يعمل ايه يولع في نفسه
.
.
ساسو
شكرا
اكيد يعني مش هملاه..مجبر اخاك لا بطل
بس لو تعلميني الشريط اللي بيجري ده بيتعمل ازاي (:
إرسال تعليق
<< Home