الاثنين، مايو ٠١، ٢٠٠٦

الحرية للمعتقلين

يقتل القتيل و يمشي في جنازته
و الناس برضه ساكته
blue rose
اتصاب نتيجة تعذيب
و بالرغم من كده المفروض ان الحكومة كتر خيرها هتعملوا اشاعة ب 120 جنيه
يا بلاش
البوست ده فكرني بطالب كان المفروض يتخرج سنة 95
و بسبب الاعتقال لسه لحد دلوقت في سنة تالته
هو لسه لحد دلوقت معتقل في سجن في الفيوم و ايام الامتحانات بيترحل عشان يمتحن في الجامعة
كتر خيره الامن سابه يشوف مستقبله
انا عرفت كده لما امتحنته شيت العملي بعد ما امتحن النظري و الشفوي كله في يوم واحد
ماكنش عارف حاجة
و ساعتها طلب مني المخبر اللي معاه اني اساعده
واد كده عنده بتاع 25 سنه عنيه عايزه تدب فيه رصاصة
ابتديت اساعده
الظابط اللي معاه كان و اقف بره
:خرع كده و صوت يجيب الضغط
و النبي خاللي بالك منه يا دكتوره
اخلي بالي ازاي و انا الي حبساه
عجبي
هو انا اللي بسقطه
هو انا اللي مضيعة عمره
و انت تهمتك ايه بقي
رد المخبر
كان عايز يشيل حسني مبارك و يقلب نظام الحكم
رديت انا
طب ما تعتقلو ا الناس كلها بقي
واحد فيهم
البركه فيك يا دكتورة
و احد تاني
بس عارفه انا حفظت اسمك
قصده يلفقي تهمه
طظ فيك
كان نفسي ساعتهااحرقهم
احرق الظابط و اللوا و الاتنين مخبرين
ساعتها ممكن كان يتقال عليا مختله
اقسي جريمة لا يمكن ان تغتفر انك تسرق عمر حد
بس برضه ارجع و اقول احنا اللي نستاهل

5 Comments:

At ١:٠٣ م, Blogger ahmad said...

صحيح... ما تخلي بالك منه يا داكتوورة؟
الله؟؟؟ إنتي ما فيش في قلبك رحمة؟!
ده إنتو شعب غريب

:)

 
At ١:١١ م, Blogger Little Sesame said...

والله يا احمد حلتله نص الاسئلة

 
At ٨:٠١ م, Anonymous غير معرف said...

يعني أرجع من خناقة مع كلاب الداخلية ألاقي الكلام ده؟ براحة علينا يا أخوانا الواحد هيتهور و يودي نفسه في داهية كده

 
At ٩:١٣ ص, Anonymous غير معرف said...

ايوة المفروض تحلي كل الأسئلة عشان ماتضيعيش مستقبل الحاج ده. الراجل قدامه مستقبل هايستكمله في المعتقل وبالتأكيد موضوع الامتحانات ده بيضيع مستقبله هناك. ارحمي الناس بقي يا شيخة!! أمال داكتورة ازاي؟ اهو الناس اللي زيك همه اللي مبوظين البلد وترجعوا تقولوا حرية وديمقراطية وحرنكش.

 
At ١٠:١٧ م, Blogger Little Sesame said...

يبختك يا علاء رحت تحارب و رجعت
فيه ناس تانيه مابترجعش

 

إرسال تعليق

<< Home

Free Web Counter
Free Web Counter

Designed by Little Sesame