الجمعة، أبريل ١٨، ٢٠٠٨

ولدي بلا وطن

الان احسست اني بلا وطن
بلا ظهر
بلا ضلوع تحتضني
فقد نهشوا جسدك
جزءا جزءا
لم يساومونا
لم يفاوضونا
حتي انهم لم يداهنونا
باعوك امامنا
بلا ثمن
*****
جسِدك المسجي امامي
اراه اضناه التعب
استسلمتِ
فبكيت
احتضنت ولدي
فقد اصبح مثلي بلا وطن
****
وسط الدموع
تدافعت افكاري
كيف ابحث له عن وطن
هل يرضي احدهم
ان يبيعني وطنه
هل اقدر علي الثمن
****

الخميس، أبريل ١٠، ٢٠٠٨

We All Wish this

عربية اسعاف

في تصريح لوزير الصحة عن احداث المحلة صرح سيادته ان (المخربين) حطموا سيارة اسعاف و اعرب عن حزنه لان البلد تعاني من نقص حاد في سيارات الاسعاف اندهشت عندما رايت صور احداث المحلة ربما من الاعداد المهولة من سيارات الامن المركزي و تسالت لماذا تعاني الدولة من نقص حاد في سيارات الاسعاف و الاطفاء و عندها مثل هذا العدد الهائل من سيارات الامن

الاثنين، أبريل ٠٧، ٢٠٠٨

اتاوة البلطجي الكبير

عشان ايه كل اللي حصل في المحلة من نهب و سرقة و حرايق.. كل ده عشان اللي بيقولوا عليه الاضراب.. يا بلد مش مهم الكام جنيه زيادة في الاسعار..مش مهم الزيت يوصل تمنه الضعف في اقل من شهرين.. مش مهم الناس تموت في طوابير العيش.. ايوة فعلا مش مهم اطلاقا الفقرا تموت من الجوع.. مش مهم الشباب يشتغل... المهم انك تنزل الشارع تشحت و فيه امان في الشارع.. .. الا الامن يا جماعة.. الا الامن و الامان
****
مش مهم تندهس تحت قطبان القطر.. مش مهم القطر يولع و هو ماشي.. مش مهم انه يخبط في سور.. المهم ان الرعاع البلطجية ميوقفوش القطر و يضربوك بالطوب
****
مش فارقة اذا كان اهل المحلة هما اللي عملوا الشغب أو انهم ناس من برة.. ناس مأجورة..ممكن يكونوا نزلوا من المريخ.. مش دي المشكلة.. او ممكن مؤامرة من اسرائيل صدرت لينا بلطجية الشغب زي ما لوثت اكياس الدم و البلازما.. برضه مش هي دي المسئلة
****
المهم ان الدرس وصل يا جماعة و اللي وضع الدرس هو بجد معلم (بكسر الميم) فالفوضي التي حدثت ربما يكون المستفيد الاول منها هو النظام القائم ربما الغرض هوأن ترسخ عند البسطاء من هذا الشعب انها التي تحميه من البلطجية.. تحمي ممتلكاته البسيطة.. بيته.. بقالته.. محل الفول اللي بياكل فيه.. مدرسة العيال.. الكام جهاز الكمبيوتر اللي اصلا مش شغالين.. المهم انها بتحميه بمعني ان الحكاية اشبه ببلطجي كبيرلابس بدلة عسكري بيحمي اهل الحته من البلطجية الصغيريين و يجعلهم يلزمون جحورهم زهاء اتاوة صغيرة أو كبيرة مش فارقة...ايه يعني ستة جنيه زيادة في زجاجة الزيت ولا كام الف جنيه زيادة في طن الحديد.. كله يهون في سبيل الحمي في ظل البلطجي الكبير

Free Web Counter
Free Web Counter

Designed by Little Sesame