الخميس، أكتوبر ١٢، ٢٠٠٦

أخاف قربك

مالي لا ابكي
كما يبكي الناس
مالي لا اتكلم كما يتكلمون
انتحب كما ينتحبون
ما بال القلب لا ترتجف جنباته
هل نافق اهل الارض و ما نافقت
ام هل امنوا و كفرت
هل اخاف النفاق اذا بكيت
ام اخاف القرب اذا رق القلب

الأحد، أكتوبر ٠٨، ٢٠٠٦

تغيير

حبة زهق خلوني اعمل شوية تغيير في البلوج اصلي بصراحة بزور مدونات تانية الاقيهم عاملين البدع "شكلا و مضمونا"
طب ان جينا للمضمون هي دماغ واحدة.. ابدع ازاي يعني.. خلاص خلينا نغير في الشكل
بس المشكلة ان معلوماتي في تصميم الصفحات زي معلوماتي في عمل المحشي-مبعرفش اعمل محشي.. بلاش تريقة.. مش قصة هي
خمسة ساعات امقق عينيه في الكمبيوتر بشوف كل جملة في ال
template
اتكتب ليه و لما بشيلها بتعمل ايه
عينيه و جعتني و ضهري و دماغي كمان...مش عارفة اركز هي الحكاية فيه تريكة لو اتفهمت خلاص الموضوع اتحل
ضاع مني لينكات البلوجات اللي كنت بقراها و انا بجرب..لسه هقعد اجمع فيهم تاني
***********
عينيه وجعاني من خمس ساعات... عرفت ساعتها معني انك تقولي انا عينيه وجعاني.. ارحميني
من هنا و رايح خلاص هارحم عليك
:(
***********
للي مش واخد باله دي صحاري مصر و نيلها اللي انت واقف عليها
لو خدت بالك قول..
************
و الله حاسه انه مش وحش... صحيح ايش اوصله للبلوجات اللي كل م ادخلها بتعقد
بس بعد ماخلصت اكتشفت اني ممكن اعمل محشي

السبت، أكتوبر ٠٧، ٢٠٠٦

ولو

********
ولوووووووووو... المنحووووووس منحوس
يا سيدي ما تفارقنا احسن

الخميس، أكتوبر ٠٥، ٢٠٠٦

علي شفا خطة خمسية

دلف من الباب بعد ان طرقه.. يظهر امارات الاحترام و التبجيل علي وجهه
دكتور ممكن اكلم حضرتك في موضوع
تعال...اقعد اقعد
سعادتك ممكن اعرف هاعمل ايه في دراستي في الفترة الجاية يعني انا كان نفسي و الله اسافر اتعلم بره و يا ريت لو حضرتك تقدم ليا علي بعثة
لا لا لا لا ايه ده... احنا خلاص خطتنا خلصت و المفروض ان الخطة الجديدة هتتحط في 2007 و عبال مايتوافق عليها و نبدأ ننفذها فيها بقي ل 2008 و لا حاجة
طب حضرتك انا مخلص دلوقت بقالي كام شهر
اصبر يا بني الحاجات دي ماتتخدش قفش كده
*******
الايام بتعدي و صاحبنا عمال يجري هنا و هناك
يقدم علي منحة هنا و منحة هناك
سهران علي النت يراسل جامعات في كل حته
تعب من كتر التدوير و من كتر الانتظار
********
فجأة اللمبة بتاعة افلام الكارتون نورت في دماغه
ماهو لو كان اتولد سنة بدري كان لحق الخطة اللي فاتت
او لو كان اتولد سنتين متاخر كان لحق الخطة الجاية
********
زمان كان الاهالي ما بيسجلوش ولادهم غير اول شهر 10 عشان المدارس تقبلهم هل لو ابوه و امه كانوا يعرفوا اللي هيجراله مش كانوا ظبطه نفسهم
يعني كان يجري ايه لو اتولد في وسط خطة خمسية بعيد عن حرفها
مش كان يبقي اريح
*********
كم من الكفاءات تضيع علي الحدود.. ما بين الخطط الخمسية

بعد بروتوكولات حكماء صهيون : هل توجد بروتوكولات حكماء الفرس ؟

الفرق الجوهري بين علاقة ايران باسرائيل والغرب ، والتي تقوم على التنافس على مغانم وليس القتال الوجودي الحاسم ، وبين علاقة العرب بنفس الجهات ، والتي تقوم على اعتبار الوطن العربي نفس المجال الحيوي لكل من الاطراف الثلاثة : العرب واسرائيل والغرب ، مما يجعل الصراع بين الغرب واسرائيل واي قوة عربية تحررية صراع حياة او موت لكل هذه الاطراف الثلاثة. . . . . . . . . . بتعبير اخر ، وبوضوح اكبر، اننا يجب ان لانقع في فخ الافتراض بان ايران تسلك نهجا ايجابيا او تحرريا حينما تختلف مع امريكا واسرائيل ، العدوين التقليديين لنا ، ما دمنا نحن الخاسرين والضحية لهذه الاطراف او لبعضها ،وما دامت ايران وهي تختلف ، وبأي مستوى مع هذين الطرفين ، تخدم مصالحها هي وليس مصالحنا نحن
نقلا عن

عجبتني

واحد اتحشر في زحمة المرور فلقى واحد بيخبطّله على شباك السيارة فتح الشباك
و سأله: عايز ايه ؟
قاله : الرئيس حسني مبارك خطفوه و الفدية 5 مليون دولار و لو الفدية مااتدفعتش .. الخاطفين هددوا
يدلقوا عليه بنزين
و يولعوا فيه.. واحنا بنجمع تبرعات .. تحب تشارك ؟
الرجل سأل: و في المتوسط الناس بتتبرع بكام ؟
الرجل الثاني : من 5 الى 10 لتر بنزين
*******

الاثنين، أكتوبر ٠٢، ٢٠٠٦

الكريدت

كنت قدمت علي كريدت كارد قبل كده و اترفض الطلب لاني لسه درجتي الوظيفية صغيرة و كمان مش مجوزة الاسبوع اللي فات البنك بعت مندوبه ووافق انه يعملي الكريدت

طبعا اكيد البنك مبعتش المندوب لانه عرف اني علي وش جواز او اني خلاص اترقيت اكيد فيه سبب تاني للتغيير.... اللي حصل ان البنك اتباع و المشتري الجديد ليه سياسة مختلفة و بالتالي و ماله لما اكون مش مجوزة و ايه يعني لما اكون لسه متخرجة

حسب كلام المندوب فان سعرسهم البنك في البورصه بيتحدد علي اساس الاصول الماليه و عدد العملاء لذلك اهتم المشتري بزيادة عدد العملاء و شال شرط الجواز و الترقيات

********************

بالرغم اني مش من ركاب القطارات الا اني اخيرا تبين لي ان السيد المحترم وزير النقل شايف شغله اخر تمام لانه -لمن لم يعلم بالامر- فالسيد الوزير هو لاعب رئيسي في صفقات شراء عدة بنوك في الفترة الاخيرة

********************

قضبان ايه يا جماعة و قطارات ايه هو الراجل فاضي، ربنا يخليه لغلابة الكريدت

Free Web Counter
Free Web Counter

Designed by Little Sesame