بالله عليك ان تطلقه

حبك لي بطول السموات

اتساع قلبك تعدي اتساع الكون

كم افكر لحظات انك حلم رجوت الله ان يتحقق

و من فرط كماله احسست اني لا استحقه

***

قد اكون احبك باختلاف

لكني ابدا لم يكن حبي لك صغيرا

عندما اصحو من منامي اجد روحك حولي

ابكي عندما اتذكر ثقتك بي

ابكي الان لان حبك فوق احتمالي

اشعر بالخجل

عندما اتذكر ان حبي لك و الذي ملئ قلبي و ارتفع فاصبح كالافق

تحسبه صغيرا

قد ابدو اليك بلا ضعف

لكني من داخلي هشة

اخاف ان تري الامي فيفتر ايمانك بي

كم اود ان تحب ضعفي و هواجسي

كم احب ان اعترف علي بابك بكل ما يخطر علي بالي

كم اودك الي اقرب من نفسي

***

سيدي قد احبك بقيود

لكني ابدا لم اري حبي صغيرا

قد يكون مقيدا فما عليك الا ان تطلقه

بالله عليك ان تطلقه

اني اصدق

بحثت عنك في كل الوجوه

لم أجدك

ظلت روحي تفتش عن روحك

و لم تهتدي اليك

حتي استبد اليأس بي

و بعد سنوات من التيه و الشتات

اسرني وجهك و اهتدت روحي اليك

و منحتني حبك و صدقتك و امنت بك

لو تعرف ماذا يعني أن تصدق امرأة رجلا

فتهبه كلمة أحبك

لا تأخذك الدهشة و لا تتعجب

لما لاتصدق

أن ها الكلمة أصبحت لا تكفيك

فليجتمعوا و ليؤلفوا الكلمات

لا و لن يصلوا الي كلمة تعبر عن مكنون قلبي

صدق او لا تصدق

فاني اصدق

100 ست

كان ذلك من خمس سنوات

كنت في بداية تديني و كنت اتناقش مع صديقة لي بغرض ان ابين لها عظمة الاسلام و احثها علي الصلاة، ساعتهاالمناقشة اتطورت و دخلت في حاجات تانية و قالت "طب قولي لي ازاي الستات هم اللي شايلين البيوت في مصر و ازاي هم اللي هيكونوا اكتر اهل النار

ساعتها بالرغم الرد الحاضر في دماغي بدأت اتهز

بدأت اتهز لما افتكرت ان الستات هم اللي بيقوموا من الفجرية يشتروا العيش عشان الفطار و اجوازهم نايمة في البيت

اتهزيت لما اي مدرسة كانت بتبعت جواب لاي طالب بمقابلة ولي الامر و تلاقي الام هي اللي جاية تجري

اتهزيت لما افتكرت قصص كتير عن ستات كتير هم اللي شايلين بيوتهم ماديا و رجالتهم بيضيعوا فلوسهم يمين و شمال علي اي حاجة ع المزاج ع المجد الشخصي في اي شئ كان

ساعتها كان عندي الرد

بس

كل اللي عملتله اني بكيت

ساعتها بس افتكرت ان فيه ستات ب 100ست

شكرا مختار

الاقطاب و الاوليا

الأهلي بطل الدوري

الأهلي بطل الكأس

و لا تهاني و لا عزاء لرئيس الوزرا الياباني غير لما ييجي حافي من غير جزمة

مش عندنا يا بابا

بعد فوز استراليا علي اليابان3/1 بعد ان كانت اليابان هي المتقدمة لاخر خمس دقائق

علق رئيس الوزاراء الياباني ان شيئين لا يمكن التكهن بهما نتيجة مباريات كرة القدم و الانتخابات

الراجل عترة اوي ميعرفش انه عندنا ممكن نعرف مين هيفوز بالانتخابات و مين هياخد الدوري و مين هياخد الكاس

كل حاجة مؤجلة

لحين انتهاء كأس العالم

كل شئ اصبح مؤجلا

ان الحياة كلها اصبحت مؤجلة

Dumb

ان كان حبي سيجعل مني حمقاء أمامك

فأنى لا أخجل من هذا الحمق

لو كنت تحسب كلماتك حمقاء

فتخلص منها ان شئت

لكني سأرعي هذا الحمق داخلي

وسأزيد كل يوم من حماقتى

مبعرفش اتقل للاسف

من فرط روحك الطاغية

سأذوب فيك

سأتلاشي في كيانك

هل تكرمني حينها أم تتركني

هل ان تأكدت من حبي

هل تتضأل رغبتك بي

هل تبخل علي

سيدي

اني لا امتلك الاعيب النساء

لا بقي شعرك مسترسلا

هل يجب علي ان لا افصح عن مكنون قلبي لتكون لي

كن كريما معي

و لا يفتر حبك

ان تأكدت يوما من حبي

مالكا عيني و عقلي وقلبي

عندما رأيتك ملأت عيني

فما عدت أري رجلا سواك

و عندما سمعت كلامك ملأ عقلي فلا يقنعني غيره

و عندما أحببتني ملأت قلبي

فما فيه الاك

أنت يا مالكا عيني و عقلي وقلبي

هلا أتـيت

فما عاد لي الا اياك

قال عني

مملة ساعات

نكدية ساعات كتير

غبية احيانا

ذكية ساعات كتير

جميلة برضه ساعات

دمي خفيف اوقات كتير

لكني عن نفسي بعشقك في كل الاوقات

من الآخر يا باشا انت الاصل و الباقي تقليد

أري الرجال من حولك مساكين

آه لو رأوك بعينيي

لتمنوا علي الله أن يخلقهم من جديد

في صورتك

لتمنوا علي الله ان يكونوا علي قلبك

لتمنوا من الله حلاوة لسانك

آه لو رأوك

لقلدوك

و لظلوا كما هم مساكين

ماذا بعد

ثورة الايشارب

الكتابة علي العملة

ناس بتخطط ازاي تغتصب الوطن

هل هذا يكفي

هل نحن كثر

الاجابة المفزعة

لا

الناس معندهاش استعداد تسمع ...تقولك خلينا في اللي احنا فيه

طب ايه الفرق بينا و بينهم

يعني ايه اللي بيخلي ناس زينا تعارض حكم شايفينه ظالم

هل الناس التانية مش شايفه

للاسف الناس مش حاسة

الناس طيبة و بتصدق و بتسمع الكلام و اللي مش طيب شايف ان اصلا البلد دي زبالة و تستاهل كل اللي بيجرالها

********************

كنت في مرة راجعة من الشغل و كان فيه حادثة علي الطريق الدائري حول احدي مدن الدلتا كان الدم كان لسة دافي و الناس اللي ماتت لسه متشالة

السبب في الحادثة لفة العربية عشان تعدي من اتجاه للاتجاه الاخر مما ادي لاصطدام عربيتين أخريتين جايين من الاتجاه المعاكس

بعد الحوقلات و الاهات كل واحد بدأ يكلم و اكلمت انا كمان

المفروض ان ده مادام طريق سريع يبقي مافيش فتحات بين الاتجاهين و بدل من كده يعملوا داخلة يمين بكوبري يعدي للناحية التانية عشان العربيات متخبطش في بعضها

ساعها السواق رد عليا و قاللي

انت فاكرة نفسك في لندن

قلت

لا بس ده الف باء ...ازاي حاجة زي دي متعملش

احنا خسرانين معركتنا لما واحد زي ده يصدق بأن مش من حقه يتعمله طريق كويس لا لسبب وجيه و لكن عشان بس احنا مش في لندن

طب و هي لندن بقت لندن ليه

********************

كنت راجعة مرة تانية وركب معايا شابين في العشرين من العمر اكلموا في حاجات كتيرة منها -خلي بالك دي مفأجاة

يابني دي مصر دي ارخص بلد في الدنيا !!! ده الناس هنا عايشة عيشة كويسة ...عندك مثلا بلد زي سوريا الحاجات فيه غاليه نار بالالاف

هو ميعرفش الجنيه كام ليرة و لا ايه و اشمعني سوريا بالذات

مش عارفة هو جاب الكلام ده منين

اكيد عمره ماراح سوريا

و ميعرفش مثلا ان الحاجة في سوريا نص التمن في مصر

و مايعرفش ان الحكومة الديكتاتورية بتاعتهم بتدي للناس فلوس عشان يودوا ولادهم المدارس لكن عندنا -و ايش اوصلها للحكومة الديموقراطية بتاعتنا- اللي بالرغم من مجانية التعليم بقي الطالب بيدفع مصاريف كارنيه 120 جنيه

في سوريا المدن الجامعية هناك من غير فلوس- حتي انك ممكن تدخل في اي مدينة تبات لو بس طالب معاك بطاقة مصرية مش حتي سورية"حقيقة"- خد في الاعتبار ان طالب اي جامعة في مصر ممنوع يعتب باب اي جامعة تانية فما بالك انه يبات في المدينة الجامعية

في سوريا لما بيتخرجوا بتشغلهم في وظايف ب 17000 ليرة- ايه الفقر ده

عندنا بيتهبب يذاكر و بينجح و في الاخر مش بيلاقي شغل

شكلي كده كنت راكبه ميكروباس رايح لندن و ان الشباب دول اكيد مش من هنا

*********************

خال زميلتي عايش في امريكا جه مصرأجازة قالها

انتو هتدخلوا الجنه حدف انتو هتتحاسبوا علي ايه!!! هم انتو اصلا عايشين

********************

قالوا الزن علي الودان أمر من السحر

يعني لا ايشاربات و لا عملات و ان كنت معاها برضه

لازم الناس تحس انها تستاهل حاجة احسن من كده و انها مش عايشة في نعمة و لا حاجة

و الكلام بتاع احنا كنا فين و بقينا فين لازم يختفي

لاننا المفروض منبقاش هنا

ايها الشعب سبح بحمد ربك كما تريد

لكن ابدا لا تثني علي نظام سرق منك مستقبلك و انت غرقان في الحمد